کراچی: گلوکار واداکار علی ظفر نے خواتین کے عالمی دن کے موقع پر نظم کے ذریعےعورتوں کو خراج تحسین پیش کیا ہے۔
آج پاکستان سمیت دنیا بھر میں خواتین کا عالمی دن منایا جارہاہے۔ عورت کائنات میں خدا کی ایسی تخلیق جس کے تصور سے نرمی، محبت، خلوص کا تصور ابھرتا ہے، بقول شاعر کائنات کی رنگینی کی وجہ بھی یہی وجود ہے۔ مردوں کے شانہ بشانہ چلتی خواتین کو ان کے حقوق اور احترام دینے کے لیے 8 مارچ کو دنیا بھر میں عالمی یوم خواتین منایا جاتا ہے۔
یہ بھی پڑھیں: ’’میرا جسم میری مرضی کہنے والی خواتین! سیکھو اس شہزادی سے‘‘
گلوکار علی ظفر نے اس موقع پر خواتین کے لیے ’’عورت‘‘کے عنوان سے خوبصورت نظم جاری کی ہے ۔ جس کے الفاظ کچھ یوں ہیں کھلتی اور روشن صبح کا کومل سا روپ ہو تم، کبھی مدھم مدھم چاندنی، کبھی تیکھی دھوپ ہو تم۔
تم نہیں جو میرے ساتھ تو میری حیثیت کیا ہے، بتلاؤ تمہارے عشق کی یہ کیفیت کیا ہے؟ اے عورت! تم بے مثل ہو تمہیں پہنچے میرا سلام ، میری روح تمہاری سلطنت میرا دل ہے تیرا غلام۔
علی ظفر کی اس ویڈیو کو محض چند گھنٹوں میں 45 ہزار سے زائد لوگ یوٹیوب پر نہ صرف دیکھ چکے ہیں بلکہ ان کی اس کاوش کو بے حد سراہ بھی رہے ہیں۔
The post علی ظفر کا خواتین کو نظم کے ذریعے خراج تحسین appeared first on ایکسپریس اردو.
from ایکسپریس اردو https://ift.tt/3cG7aUD
via
